Di Francesco Reitano
Quandu ‘o scoccari di la Dimaria
‘a genti rincasava chjanu chjanu
si rispirava nu senzu d’allegria,
nu sentimentu veramenti stranu.
Poddarsi ch’era na ‘mprissioni mia,
e sentia forti ntò cori llu richjamu
pecchì venìa d’a chjesa undi nescia
e vitti crisciri puru ‘u sagrestanu,
undi tiravamu i cordi di lu campanaru
chi sprigionava na bella melodia
chi m’accumpagna i quandu eru cotradu:
‘u sonu soavi di la Dimaria!
Forsi era ‘a fidi ardenti, ’a devozzioni
chi m’attirava comu calamita
oppuru ‘attaccamentu a’ me’ religioni
chi dava senzu compiutu a la me’ vita,
e poi… i festi i pajisi, i vecchji tradizioni,
‘a banda, i gehanti, i tamburinari,
sunnu ricordi belli ed emozioni
chi tegnu ntò cori ‘nzemi e cosi cari.
Oji non sona chjù ‘a Dimaria
ch’i cordi a manu u sagrestanu
e non si canta cchjù la litania…
apparteninu a tempi ormai luntanu.
‘A fidi i na vota si perdiu pe’ sempi,
si perdiu ‘u rispettu pe’ l’atti religioni
u t’ammazzanu, oji non ci voli nenti
u fannu puru ammenz’a processioni.
Aund’ennu i ‘deali veri: ’a libertà,
‘amicizia, ’a fraternità chi uniti ndi tenia
è tempi antichi e nta la povertà?
… moriru ‘nzemi ‘e rintocchi di la Dimaria!
Foto: it.freepik.com